Nuup Qeqertarsuullu Tunuata akornanni illoqarfiit nunaqarfiillu assigiinngitsut katillugit 17-it Inatsisartut Ombudsmandeqarfianni sulisup 24. juni 2019-imit 3. juli 2019-imut angalaffigissavai.

Kikkulluunniit ornigullutik Ombudsmandip sulisuanik oqaloqatiginninnissaminnut tikilluaqqusaapput, taassumalu Ombudsmandip sulinera Ombudsmandimullu qaqugukkut naammagittaalliortoqarsinnaanera oqaluttuarisinnaavai.

Suliaq aalajangersimasoq Ombudsmandip sulisuanut oqaloqatiginnissutiginiaraanni oqartussaasut suliaq pillugu allagarisimasaannik nassataqarneq iluaqutaassaaq.

Ombudsmandip sulisua piffissami uani naapinneqarsinnaavoq:

               Kangaamiut: 24. juni nal. 8-12 katersortarfimmi
               Itilleq: 25. juni nal. 8-12 katersortarfimmi
               Attu: 26. juni nal. 8-12 katersortarfimmi
               Kangaatsiaq: 26. juni nal. 15-18 katersortarfimmi
               Aasiaat: 27. juni nal. 10-12 kommunip ataatsimiittarfiani
               Kitsissuarsuit: 27. juni nal. 14-18 illumi sullissivimmi
               Qeqertarsuaq: 28. juni nal. 8-14 katersortarfimmi B-4-mi
               Saqqaq: 29. juni nal. 8-11 katersortarfimmi
               Qeqertaq: 29. juni nal. 13-16 katersortarfimmi
               Oqaatsut: 30. juni nal. 11-14 atuarfimmi
               Ilulissat: 30. juni nal. 16-19 Majoriami
               Ilimanaq: 1. juli nal. 8-12 Pilersuisumi
               Qasigiannguit: 1. juli nal. 15-18 katersortarfimmi
               Ikamiut: 2. juli nal. 9-12 Pilersuisumi
               Akunnaaq: 2. juli nal. 14-18 katersortarfimmi
               Niaqornaarsuk: 3. juli nal. 9-12 katersortarfimmi
               Ikerasaarsuk: 3. juli nal. 14-18 katersortarfimmi

Ombudsmandeqarfimmut ulluinnarni tamani nal. 9-mit 15-imut oqarasuaatip normuanut 32 78 10-mut sianerluni oqaloqatiginninnissamut aamma periarfissaqarpoq.                                                                                                                                                                                                                                        

OMBUDSMANDI SUTIGUT IKIUUSSINNAAVA?

Kalaallit Nunaanni Namminersorlutik Oqartussat kommunillu ataanni pisortat i-ngerlatsiviat pillugu naammagittaalliuutit Ombudsmandip suliarisinnaavai. Greenland Business A/S aamma INI A/S pillugu naammagittaalliuut Ombudsmandip pisuni aalajangersimasuni suliarisinnaavai. Ombudsmandilli soorlu eqqartuussiviit, politiit pinerluuteqarsimasunilluunniit isumaginnittoqarfik pillugu naammagittaalliuutit suliarisinnaanngilai.

Pisortat aalajangiineri, soorlu pisortanit ikiorsiissutinik, aalisarsinnaanermut akuersissutinik imaluunniit allagaatinik paasitinneqarumanermik itigartitsinerit aamma oqartussaasut pissusilersorneri, soorlu ataqqinninngitsumik nikaginnippalaartumilluunniit oqalunneri, naammagittaalliuutigineqarsinnaapput. Oqartussaasoq suliamik suliarinninnermini arriippallaarpat innuttaasulluunniit saaffiginnissutaanut akissuteqarneq ajorpat aamma naammagittaalliortoqarsinnaavoq.

Suliami allamut naammagittaalliornissamut periarfissaqarpat tamanna Ombudsmandimut naammagittaalliunnginnermi atorneqareersimassaaq.

Naammagittaalliuut pisup naammagittaalliuutigineqartup pineranit ukioq ataaseq qaangiutsinnagu Ombudsmandimut tunniunneqassaaq.

Ombudsmandi pillugu inatsit uani atuarneqarsinnaavoq