Kommunip ileqqoreqqusai Qeqqata Kommuniata ukiuni arlalinni inatseqartitsineq atuuttoq tunngavigalugu tamanut saqqummiutsittarsimanngilai. Ombudsmandi oqaaseqaammi nutaami eqikkaalluni taamatut inerniliivoq.

Kommunip ileqqoreqqusaminik piffissami 2014-imit 2020-mut tamanut saqqummiussisitsisarsimanera Ombudsmandip naammagittaalliuutitut siusinnerusukkut suliaq tunngavigalugu nammineerluni misissuiffigaa.

Ombudsmandi eqikkaalluni inerniliivoq ileqqoreqqusat qarasaasiakkut tamanut saqqummiussisarneq pillugu Namminersorlutik Oqartussat nalunaarutaa-tigut nr. 1-ikkut, 2. januar 2013-imeersukkut aalajangersarneqartutut nittartakkakkut www.naalakkersuisut.gl-ikkut tamanut saqqummiunneqartarsimanngitsut.

Tamanna Ombudsmandip isorisarialittut isigaa.

Tamanut sa qqummiussineq inatsisit, nalunaarutit kommunillu ileqqoreqqusaat innuttaasunut atuutsinniarneqassappata piumasaqaatitut pisariaqartutut isigineqarpoq. Taamaattumik tamanut saqqummiussineq innuttaasut inatsiseqartitsinikkut innarlitsaalineqarnerinnaat eqqarsaatiginagu aammali oqartussaasut malittarisassanik innuttaasunut atuinissaminnut periarfissaat eqqarsaatigalugu pingaartuuvoq.

Kommunip eqqortumik tamanut saqqummiussinerup pingaaruteqarnera isumaqatiginerarpaa, oqaatigalugulu suleriaatsit kommunip allanngortinniarai, taamaalilluni kommunip massakkut siunissamilu ileqqoreqqusaasa inatsiseqartitsineq atuuttoq tunngavigalugu tamanut saqqummiunneqartarnissaat kommunip qulakkiissallugu.

Ombudsmandip oqaaseqaataa uani atuarsinnaavat.

Paasissutissat amerlanerusut oqarasuaatip normuanut 32 78 10-mut sianerluni pissarsiarineqarsinnaapput.