Tusagassiutitigut nalunaarut – Inatsisartut Ombudsmandeqarfiani inatsisilerinermi pisortaq nutaaq

1. februar 2025-miit ombudsmandeqarfimmi inatsisilerinermi pisortatut, inatsisileritooq Lars-Christian Sinkbæk atorfinitsippara.

Lars-Christian Sinkbæk 48-nik ukioqarpoq, nunattsinni inunngortuuvoq peroriartorsimallunilu. Lars-Christian Sinkbæk nunatsinni qallunaallu nunaanni 2005-imili nunatsinni eqqartuussivimmi atorfinni assigiinngitsuni atorfeqartarsimavoq, tassunga ilanngullugu qallunaat nunaanni Østre Landsretsimi eqqartuussisuunerugallarsimalluni. Taakkua saniatigut piffissami 2021-miit 2023-mut Lars-Christian Sinkbæk eqqartuussissuerisutut sulisimavoq aamma Sulisilluni Ajoqusernerit pillugit Sullissiviup nunatsinni immik-koortortaqarfiani pisortaasimalluni.

Pingaarnertut suliami saniatigut Lars-Christian Sinkbæk ukiuni arlalinni Ilisimatusarfimmi ilinniagartuunut inatsisilerutuunngornianullu  misilitsinnerit naliliiffigeqataasarpai, taamatullu aamma nunatsinni eqqartuussivimmi illersuisunngornianut ilinniartitsisuusarlluni.

Lars-Christian Sinkbækip paarlaappaa inatsisileritooq Kim Blokbo ukiut qulingiluat sinnerlugit sulereerluni soraarninngorniarluni aalajangersimasoq.

Gedion Jeremiassen