Inatsisilerituunngorniamik/studentermedhjælperinik ingerlatsineq pillugu inatsisilerinermik suliaqarusuttunik sulisussarsiorpugut. 1. november 2024-mi isumaqatigiissuteqarnikkuulluunniit aallartittussanik.

Namminersorlutik Oqartussat Nunatsinnilu kommunit inatsiliornermik atuuttumik malinninnerannik nakkutiginnittussatut ombudsmandi toqqarneqarpoq.

Innuttaasunit naammagittaalliuutinik annertunerusumik suliaqartarpugut. Tamatuma saniatigut aamma nammineerluta suliniuteqarnikkut misissuiffigisassanik suliaqartarpugut, soorlu assersuutigalugu sammisat naammagittaalliuut imaluunniit tusagassiuutini sammineqartut immikkut aallaavigalugit, sorluttaaq kommuninut angalanerit paaqqinnittarfinnullu misissuiartornerit aamma ingerlanneqartartut. Tamanna isornartorsiorneqarnerannik imaluunniit oqartussat aalajangiinerminnik suleriaatsimilluunniit nalilersueqqinnissaannik inassuteqarfigineqarnerannik kinguneqarsinnaavoq, suliami ombudsmandimit oqaaseqaatigineqartut tunngavigalugit.

Sulianik suliarinninneq inatsisilerinermi pisortaq inatsisilerituullu sullissinermik suliaqartut allat suleqatigalugit ingerlanneqartarput.

Suliassatit

Inatsisilerituunngornianik/studenterhjælperinik pisortaqatigiinnut inatsisilerinermilu sullissisunut ikorfartuisussarsiorpugut. Pingaarnertut suliassaallutik naammagittaalliutit oqinnerusut suliarinissaat, innuttaasunut pisortallu oqartussaatitaannut allakkat missingersuusiat suliarisassallugit.

Suliassanut sungiussiartornerit ilutigalugu periarfissaqarumaarpoq suliamik suliaqarnermi atugassanik, inatsisilerinermi allattugassanik ikiuuttarnissat. Tamakku saniatigut pisortaqatigiit qanimut isumaqatigiissuteqarfiginerisigut najoqqutassaqarfitsigut atuakkianiillu ujarlertarumaarlutit.

Suliassanni, piginnaasatit misilittakkatillu aallaviujumaarput.

Illit

•    Inatsisilerituunngorniaavutit ingerlatsineq pillugu inatsisilerinermi allaffissornertalimmilluunniit suliaqarnissamik immikkut itisileerusussuseqarlutit suliaqarusussuseqartoq    
•    Ajornartorsiutaasinnaasunik, pisariusunik assigiinngiiaartunillu suliaqarnissamut nakimaatsoq
•    Suliassannut akisussaassuseqarlutillu nammineersinnaassuseqartoq  
•    Oqaasiinnarmik allattariarsornikkullu kalaallisut qallunaatullu oqaaseqatigiiliullaqqis-soq

Kikkuuvugut

Suliffeqarfeerannguuvugut, maannakkut sulisorineqartut tassaallutik ombudsmandi, inatsisilerinermi pisortaq nutserisullu pisortaat. Taakku saniatigut inatsisilerituut sullissinermik suliaqartut arfiniliupput, nutserisoq allatsilu.

Suliffik pitsaasoq sulinermilu pitsaasunik avatangiiseqartoq, suliassallu tamarmiusut naammassiniarneranni ikioqatigiiffiusoq neqeroorutigaarput.

Inatsisilerituunngorniatut pissanganartumik avatangiiseqarnissat, ilitsersuilluarnertalik aamma ilinniakkamut ineriartuutaallunilu avitseqatigiiffiusoq neqeroorutigisinnaavarput, ingerlaqqinnissannut atorsinnaasat.

Piffissaq suliffiusoq sapaatit akunneranut nalunaaquttap akunnerinik 10-nik sivisussuseqarpoq. Piffissat suliffiusussat isumaqatiginnikkut aaqqissuullugit nikerartinneqarsinnaapput.

Inatsisilerituunngorniatut ombudsmandip sulinera suliassaalu pillugit immikkuullarissumik paasisaqarfigisinnaavatit.

Akissarsiat atorfinitsitsinermilu atugassarititaasut

Aningaasarsiaqartitsisoqassaaq aningaasarsiatigut- aamma atorfinitsitaanermi atugassarititaasut pillugit, Namminersorlutik Oqartussat kommunilluunniit ataanni ilinniagaqaqqinnermi ilinniarnertuunngornianik sulisoqarnermi malittarisassat atuuttut malillugit.

Qinnuteqaat
Qinnuteqaat suliffigisimasat allattorsimaffiannik (CV-mik) aamma karakterit allattorsimaffii ilanngullugit uppernarsaatinik allagaatinillu allanik tamatumunnga tunngassuteqartunik ilaqartinneqartoq e-mailikkut job@ombudsmand.gl-imut nassiunneqassaaq.

Qinnuteqaatit kingusinnerpaamik sisamanngornermi 24. oktober 2024-mi tigoreersimassavarput. Atorfinitsitsiniarluni oqaloqatiginninnerit sapaatit akunneranni 43-mi 44-miluunniit ingerlanneqarnissaat naatsorsuutigineqarpoq.

Atorfik pillugu paasissutissat nalinginnaasut inatsisilerinermi pisortamut Kim Blokbo oqarasuaatikkut +299 32 78 10-kkut nal. 10-14 saaffigalugu pissarsiarineqarsinnaapput, pingasunngorlu saaffiginnissutinut matoqqasarpoq.

Tusarfiginissat qilanaaraarput.

Nittartagarput www.ombudsmand.gl. atuarlugu paasisaqarnerusinnaavutit.